பிரிகின்ற காதலுக்கு கடைசியாய் ஒரு கடிதம்

இல்லாத ஒன்றுக்கு இலவு காத்து
இருக்கின்ற ஒன்றை இருட்டில் தள்ளி
மானம் போற்ற ஈனம் தழுவி
சரியென்ன தவறென்ன புரியாமல்

தீயள்ளி தின்கிறேன்
கூடாதென தெரிந்தும் செய்கிறேன்

கண்ணீரில் பேதமென்ன‌
உனதென்றும் பிரிதென்றும்

மனக்கொலைக்கு துணிகின்றேன்
மீளாத பாதைக்கு விரைகிறேன்

வேண்டாத வரமொன்று வேண்டிப் பெற்றேன்
வேண்டிமென தெரிந்தும் வீசி எறிகிறேன்

இனிக் காதல் இல்லை வாழ்தலுமில்லை
சாதல் சாதல் சாதலே அன்றி வேறில்லை....